काठमाडौं- छोटो समयमा चर्चा र लोकप्रियता कमाएका गायक प्रकाश दूतराजले अष्ट्रेलियामा आत्महत्या प्रयास गरेका छन्।

सांगीतिक कार्यक्रमका लागि अष्ट्रेलिया गएका उनले स्थानीय समयअनुसार हिजो राति २ बजे झुण्डिने प्रयास गरेको उनी सँगै बसेकी साथीले जनाएकी छिन्।

गायिका भूमिका गिरीसहित दूतराज कन्सर्टका लागि गत २० अक्टोबरमा अष्ट्रेलिया गएका थिए।

त्यहाँ उनीहरू आयोजकले व्यवस्था गरेको फ्ल्याटमा बसिरहेका थिए। सोही फ्ल्याटको आफू सुत्ने कोठामा दूतराजले झुण्डिने प्रयास गरेको र झुण्डिने प्रयासका क्रममा भूमिकाले थाहा पाएपछि उनको कोठामा प्रवेश गरी उद्धार गरेको आयोजक टीमले जनाएको छ।

अवस्था सामान्य रहेको दूतराजले आत्महत्या प्रयास गर्नुको कारण भने खुलाएका छैनन्। ukera.com